Vjen goli i parë i Muçit në Turqi, Asllani dhuron asist për Lautaron

Nga A2 CNN
25 Shkurt 2024, 18:28 | Futboll

Vjen goli i parë i Muçit në Turqi, Asllani dhuron asist

Ernest Muçi ka realizuar golin e parë me skuadrën e tij të re të Besiktasit në Turqi. Në ndeshjen e tretë me gjigantët turq, futbollisti shqiptar realizoi në minutën e 54 ndaj Istanbulspor AS, duke e çuar rezultatin në 0-2.

Muçi rikuperoi fillimisht topin dhe më pas u asistua në hyrje të zonës dhe me një goditje perfekte tokazi e dërgoi topin në rrjetë.

Ndërkohë, në Serie A edhe Asllani ka arritur të dhurojë asist në takimin e kësaj të diele Lecce-Inter. Shqiptari e nisi takimin në formacion dhe menjëherë tregoi vlerat e tij duke asistuar për argjentinasin Lautaro, që e dërgoi topin në rrjetë. Në këtë ndeshje luan titullar edhe Ramadani në radhët e vendasve të Lecce-s.

A2 CNN Livestream

Ditari nga Denisa Pasholli