Lara Colturi ka shkruar përsëri historinë duke u kualifikuar edhe në finalen e Slalomit në Salbah të Austrisë. Në garën e zhvilluar në Are skiatorja kuqezi u rendit e 23-ta duke ruajtur pozicionin brenda 25 sportisteve të para në klasifikimin e përgjithshëm në këtë disiplinë dhe duke siguruar finalen.
Më parë, Lara ishte kualifikuar edhe në finalen e Gjigandit Special. Garat zhvillohen gjatë fundjavës, të shtunën dhe të dielën. Lara Colturi është një ndër nëntë skiatoret e kualifikuara në të dy disiplinat e garave teknike, Slalom dhe Gjigand Special. Konkurrenca mbetet padyshim e madhe, sepse aty konkurrojnë sportistet më të mira, me në krye amerikanen Mikaela Shiffrin.
“Ditë e shkëlqyer, me diell edhe pse është pak ftohtë. Manshii parë ishte pak i vështirë, për fat të keq gabova në disa kalime megjithatë në zbritjen e dytë mendova të zbavitesha dhe të bëja atë që di të bëj. Shkoi mirë, jam kualifikuar edhe në finalet e Slalomit në Salbah dhe takohemi aty”, tha Lara Colturi. (A2 Televizion)
A2 CNN Livestream
MUND TE LEXONI GJITHASHTU
