Peshëngritja kuqezi, Qerimaj e Ramadani, tre medalje argjendi në Europian

Nga Erald Kodhelaj
16 Shkurt 2024, 20:21 | Sporte të tjera

Peshëngritja kuqezi, Qerimaj e Ramadani, tre medalje argjendi në

Tre medalje argjendi në Kampionatin Europian të Peshëngritjes.Kjo është arritja fantastike e dy kampionëve kuqezi, Erkand Qerimaj dhe Krist Ramadani, në eventin që po zhvillohet në Sofje të Bullgarisë.

Qerimaj u shpall nënkampion Europe në stilin e shkëputjes, me 155 kilogramë të ngritura, duke marrë medaljen e argjendit në kategorinë deri në 81 kilogramë.

Në të njëjtën garë, por me rezultatet nga bateria B, erdhën edhe dy tituj nënkampionë Europe për Krist Ramadanin. Ai u pozicionua i dyti në shtytje dhe në dygarësh me 341 kilogramë të ngritura në total, duke fituar me meritë të plotë dy medaljet e argjendit.

Peshëngritja mbetet sporti që i dhuron Shqipërisë rezultatet më të larta në arenën ndërkombëtare.

A2 CNN Livestream

Dita jonë