Turqia shpërndan pamjet e para të “bishës” luftarake, zëvendësuesin e denjë të F-16

Nga A2 CNN
23 Mars 2023, 11:20 | Aktualitet
Turqia shpërndan pamjet e para të “bishës” luftarake,

Mediat turke kanë shpërndarë së fundmi pamjet e shumëpritura të Aeroplanit Luftarak Kombëtar, që pritet të zëvendësojë F-16-n e famshme.

Ishte ministri i Industrisë së Mbrojtjes, Ismail Demir, i cili ndau këto imazhe, të cilat i shoqëroi me mbishkrimin:

“Presidenti ynë është ai që kombi ynë e pret me emocion dhe bota me kureshtje, Rexhep Tajip Erdogan. Imazhet e para të projektit tonë të mbijetesës, Avionit Luftarak Kombëtar, i cili u ndoq për herë të parë live! Bravo për inxhinierët tanë. Kjo është krenaria jonë. Paçi fat”.

MMU do të zëvendësojë F-16-të, të cilët planifikohen të hiqen gradualisht nga viti 2030 dhe deri në vitin 2070. MMU, avioni luftarak me shumë role të gjeneratës së pestë, mund të përdoret si në luftime ajrore, ashtu edhe ajër-tokë.

Dizajni i kabinës së avionit luftarak Kombëtar është duke u maturuar për të minimizuar ngarkesën e punës së pilotit, duke marrë parasysh aftësitë dhe pajisjet e kërkuara nga avionët luftarakë të gjeneratës së 5-të.

Në procesin e projektimit, zhvillohet një mjedis i kabinës së pilotit që do të rrisë ndërgjegjësimin e situatës së pilotit, duke marrë parasysh faktorët fizikë, njohës dhe mjedisorë në të cilët ndodhet piloti.

Dominimi superior ajror i MMU:

Rritja e rrezes së luftimit ajër-ajër me armë të reja;

Goditje e saktë dhe precize nga slotet e brendshme të armëve me shpejtësi të lartë/supersonike;

Ofron fuqi të shtuar luftarake me inteligjencë artificiale dhe mbështetje të rrjetit qendror.

https://youtu.be/5BlIfncHjwc
https://a2news.com/2021/09/27/do-te-bleje-serish-armatime-nga-rusia-erdogan-paralajmeron-shba-askush-nuk-mund-te-nderhyje-te-vendimet-tona/
https://a2news.com/2023/01/31/biden-perjashton-dergimin-e-avioneve-luftarake-f-16-ne-ukraine/
https://a2news.com/2022/08/18/turqia-e-ftohte-ndaj-raketave-ruse-analistet-tregon-nje-afrim-te-mundshem-me-uashingtonin/

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli