Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 13%
  • Kujdesi familjar 83%
  • Ndikimi i shoqërisë 5%

Zelensky merr mbështetjen e Greqisë: Do të na ndihmojë të stërvitim pilotët

Nga A2 CNN
22 Gusht 2023, 07:44 | Ballkani
Zelensky merr mbështetjen e Greqisë: Do të na ndihmojë

Presidenti i Ukrainës, Volodymyr Zelensky ka marrë mbështetjen e Greqisë gjatë takimit informal që u zhvillua të hënën në Athinë, të thirrur nga kryeministri Kyriakos Mitsotakis.

Në konferencën për shtyp pas takimit, lideri grek shprehu gatishmërinë për të mbështetur Ukrainën dhe dënoi krimet e Rusisë në këtë vend, që nga nisja e luftës. Ai shtoi se Greqia si vend anëtar i NATO do të qëndrojë përkrah qeverisë dhe popullit ukrainas.

Sipas Associated Press, Zelensky falënderoi Greqinë për mbështetjen dhe zbuloi se Athina zyrtare ka ka rënë dakord të stërvisë pilotët ukrainas për të drejtuar avionët amerikanë F-16.

Dy udhëheqësit nënshkruan edhe një deklaratë të përbashkët për mbështetjen e Greqisë për anëtarësimin në NATO të Ukrainës, "kur të përmbushen kushtet".

Presidenti Zelensky mori pjesë gjithashtu në një darkë të shtruar nga Mitsotakis për zyrtarë të lartë të 9 vendeve të Ballkanit, Presidenten e Komisionit Evropian Ursula von der Leyen si dhe Presidentin e Këshillit Evropian Charles Michel.

Një mungesë në takim është ajo e Kryeministrit Edi Rama. Marrëdhëniet e Greqisë me fqinjin e saj u përkeqësuan për shkak të burgosjes së kryetarit të zgjedhur të Himarës, Fredi Beleri, i cili i arrestua në maj nën dyshimet për blerje votash.

https://a2news.com/2023/08/18/mitsotakis-nuk-fton-ramen-ne-darken-me-lideret-e-rajonit/

A2 CNN Livestream

Ditari nga Erion Dushi