Ish-kandidatja për kreun e Bashkisë së Fierit, Eriselda Çelaj, e ka konsideruar një proces dinjitoz atë të zgjedhjeve për kreun e ri të Partisë Demokratike. Në një deklaratë për mediat ajo tha se zgjedhja e kryetarit të partisë i fund krizës në PD.
“Një proces dinjitoz. Janë bërë një sërë certifikimesh për listat. Kemi qenë të kujdesshëm për të bërë një listë reale. Lista e anëtarësisë është 800. Deri tani pjesëmarrja ka qenë e mirë. Do të kemi pjesëmarrje të konsiderueshme. Patjetër që do e zgjidhin krizën në PD. Zgjedhjet e kreut të PD do t’i hapin rrugë një projekti të ri, jo vetëm për PD, por për frymën që Shqipëria ka nevojë. Boll më me arrogancë. Ka ardhur momenti që të kemi në krye të vendit qytetarë”.
Si pjesë e grupit të punës në këto zgjedhje, Çelaj deklaroi se shifrat e mëparshme të anëtarësisë nuk kanë qenë reale, por përdoreshin nga kryetari sa herë lindte nevoja për të votuar.
“Listat e publikuara dhe të raportuara asnjëherë nuk kanë qenë realë, nuk janë shkruar emra fiktivë, por nuk kanë qenë aktivë në PD, janë paraqitur sa herë është kërkuar nga kreu i PD për të dhënë një votë për x person. Numrat asnjëherë nuk kanë qenë realë, por fiktivë. Asnjëherë nuk kanë qenë në qytetin e Fierit 6 mijë anëtarë. E dini çdo të thotë kjo e dini si do të ishte rezultati i PD? Shifra aktuale është 800, se shumë mund të mos jenë në Shqipëri, apo të tjerë që nuk kanë të drejtë vote”. (A2 Televizion)
A2 CNN Livestream
MUND TE LEXONI GJITHASHTU
