Mungesa e fuqisë punëtore në sektorin e turizmit, Kumbaro: Shkak pandemia, goditi tregun botëror

Nga A2 CNN
14 Shtator 2023, 09:44 | Ekonomi
Mungesa e fuqisë punëtore në sektorin e turizmit, Kumbaro: Shkak

Nuk është një gjë që erdhi në mënyrë të befasishme.” Kështu shprehet ministrja e Turizmit dhe Mjedisit, Mirela Kumbaro për A2 CNN teksa komentonte shifrat e turizmit për këtë sezon.

Për ministren, sezoni i kësaj vere dhe numri i turistëve, ishte një “ evolucion pozitiv që është përgatitur prej vitesh.”  

Sa i përket problemeve të lakuara edhe nga vetë turistët, Kumbaro thotë që ajo që e bën entuziaste qeverinë është fakti që siç u shpreh ajo, Shqipëria ka dominuar lajmet dhe mediat sociale me lajme pozitive.

“Dikur imazhi ka qenë negativ, nga e shkuara komuniste. Në vitet e fundit dominojnë përshtypjet pozitive. Shqipëria po shihet si vend mikpritës, vendi i ri, si destinacion turistik.”

Po ashtu, Kumbaro theksoi se është e vërtetë që është bërë shumë marketing për Shqipërinë si destinacion veror, por ky marketing, sipas saj, nuk ka qenë i financuar.

“Kanë qenë përshtypje të njerëzve që e kanë provuar Shqipërinë…Sfida mbetet e madhe sepse pritshmëritë janë rritur shumë. Por, Shqipëria e përballoi.”

Sa i përket mungesës së fuqisë punëtore, sipas ministres, kjo është normale pasi bota ka kaluar një pandemi.

“Pas pandemisë, në të gjithë tregun botëror, ka probleme me krahun e punës në sektorin e turizmit. Ankohet Turiqa, që e ka kulturën e shërbimit të konsoliduar.”

Sa i përkët planeve të qeverisë për të ardhmen, Kumbaro thotë se që Shqipëria të jetë kampione e rajonit për turizmin në 2030, duhet të shkojmë drejt cilësisë.

A2 CNN Livestream

Ditari nga Denisa Pasholli