Rusia seri sulmesh në Ukrainë, një i vdekur dhe gjashtë të plagosur në Kherson

Nga A2 CNN
2 Tetor 2023, 08:50 | A2 CNN në Ukrainë
Rusia seri sulmesh në Ukrainë, një i vdekur dhe gjashtë

Të paktën një person mbeti i vdekur dhe gjashtë të tjerë u plagosën, mes të cilëve edhe dy fëmijë, në bombardimet ruse gjatë natës në Kherson në Ukrainën jugore, njoftojnë mediat e huaja.

Guvernatori lokal, Oleksandr Prokhudin raportoi në Telegram se forcat ruse kishin nisur 71 sulme në 24 orët e fundit “kundër zonave të populluara”, si dhe dyqaneve dhe objekteve shëndetësore.

Njëzet nga sulmet tokësore dhe ajrore synuan qytetin Kherson, shtoi Prokudin, duke vënë në dukje se zjarrfikësit shuan shpejt një zjarr që shpërtheu herët sot nga bombardimet.

Forcat ukrainase e dëbuan ushtrinë ruse nga një pjesë e Khersonit në nëntor pas disa muajsh pushtimi, por forcat e Moskës vazhdojnë të bombardojnë kryeqytetin e provincës dhe zonat përreth nga përtej lumit Dnieper.

A2 CNN Livestream

Ditari nga Denisa Pasholli