Fanella është simboli që identifikohet çdo lojtar sa herë zbret në fushë. Uniforma kuqezi që ndër vite mund të ketë ndryshuar dizajn, por mesazhi që transmeton mbetet po i njëjtë, “Lufto për fanellën dhe jep gjithcka për të”.
Ndër sezone të ndryshme, kjo fanellë ka pësuar shumë ndryshime, por gjithmonë dy ishin ngjyrat që mbizotëronin, e kuqja dhe e zeza. E kuqja si gjaku që kanë derdhur të parët tanë dhe e zeza si shqiponja dykrenarë që qëndron në flamurin tonë.
Emocionet dhe motivimi që çdo lojtar ka sa herë e vesh fanellën është maksimal. Ndër vite mund të ketë ndryshuar dhe logon, por flamuri dhe simboli që identifikon Shqipërinë mbetet po i njëjtë.
“Ti Shqipëri më jep nder” shkruhet në jakën e saj. Ëndrra e çdo lojtari që nis dhe bën hapat e parë në futboll është që një ditë të mbërrijë tek finishi dhe të veshë fanellën më të bukur në botë, fanellën e Kombëtares. (A2 Televizion)
A2 CNN Livestream
MUND TE LEXONI GJITHASHTU
