Sondazh: Preferoni që emri i fëmijës tuaj të jetë:
  • Tradicional 40%
  • Modern 7%
  • I trashëguar 13%
  • Unik 40%

Dhimbja e kokës nga vera e kuqe, pse disa njerëz vuajnë prej saj?

Nga A2 CNN
27 Nëntor 2023, 19:45 | Lifestyle

Dhimbja e kokës nga vera e kuqe, pse disa njerëz vuajnë prej saj?

Një gotë verë e kuqe nuk mungon kurrë në tryezën e festës dimërore, por për disa njerëz mjaftojnë disa gllënjka nga kjo pije për të shkaktuar dhimbje koke. Por cili “përbërës” i verës është përgjegjës për efektin e bezdisshëm?

Një studim nga Universiteti i Kalifornisë, Davis, u përpoq të rindërtonte hapat kimikë pas dhimbjeve të kokës së verës së kuqe, të cilat prekin edhe njerëzit që nuk kanë probleme kur pinë pije të tjera alkoolike. Sipas punës së publikuar në Scientific Reports, mund të shkaktohet nga një lloj flavanoli, një substancë që është pjesë e flavonoideve, përbërsve bimore të tretshme në ujë, të pranishme në shumë ushqime, duke përfshirë rrushin dhe për rrjedhojë në verë.

Flavonoidet kanë efektin e tyre të dobishëm antioksidues, pasi kundërshtojnë formimin e radikalëve të oksigjenit (substanca kimike shumë reaktive) dhe kufizojnë dëmtimin e qelizave dhe indeve. Por kur njëra prej tyre, kuercetina, metabolizohet me alkool, mund të krijojë probleme.

“Kur hyn në qarkullimin e gjakut, trupi e shndërron atë në një formë tjetër të quajtur kuercetin-glukuronid. Në këtë formë, ai bllokon metabolizmin e alkoolit”, shpjegon Andreë Ëaterhouse, kimist në universitetin kalifornian dhe një nga autorët e studimit.

Tek disa njerëz, fenomeni mund të shkaktojë akumulimin e një toksine të quajtur acetaldehid, një irritues dhe inflamator, i cili në nivele të larta është përgjegjës për skuqjen e fytyrës, dhimbje koke dhe të përziera . 40% e popullatave të Azisë Lindore kanë, për arsye gjenetike, një mosfunksionim enzimatik që favorizon akumulimin e acetaldehidit dhe favorizon hangoverin edhe pas sasive minimale të alkoolit.

Përmbajtja e kuercetinës në verërat e kuqe mund të jetë e lartë, por do të nevojiten studime të mëtejshme se pse disa njerëz janë më të ndjeshëm ndaj veprimit të saj se të tjerët. Hapi tjetër do të jetë testimi i hipotezës tek konsumatorët, duke u ofruar njerëzve që vuajnë nga dhimbje koke të verës së kuqe një sërë verërash me një përmbajtje pak a shumë të lartë të kuercetinës, për të parë efektin që ka.

A2 CNN Livestream

A2 Business