Sondazh: Sa prezent është aktiviteti fizik në përditshmërinë tuaj?
  • Çdo ditë 42%
  • Tre herë në javë 25%
  • Vetëm në fundjavë 8%
  • Asnjëherë 25%

“Ëndrra e shkretëtirës”, Arabia Saudite krijon trenin e saj luksoz

Nga A2 CNN
31 Janar 2024, 09:17 | Lifestyle

Kompania shtetërore hekurudhore, Saudi Arabia Railways (SAR), ka arritur një marrëveshje prej 53 milionë dollarësh me kompaninë italiane të hoteleve Arsenale Group, për të nisur trenin e parë luksoz në mbretërinë e Lindjes së Mesme.

I njohur si “Ëndrra e shkretëtirës”, treni me pesë yje do të realizojë një udhëtim prej 1300 kilometrash nëpër shkretëtirën dhe qytetet e Arabisë Saudite. Më konkretisht, udhëtimi do të fillojë në Riad, do të kalojë në Hail dhe do të kulmojë në Kurejat.

Ky tren synon të promovojë turizmin brenda vendit, duke u ofruar vizitorëve dhe banorëve mundësinë të përjetojnë këtë mbretëri misterioze përmes udhëtimeve luksoze. Megjithëse nisja e parë e trenit është planifikuar për në vitin 2025, rezervimet do të hapen në muajt e fundit të 2024.

Dizajni i trenit do të jetë i frymëzuar nga “stili dhe traditat saudite” dhe do të ketë 40 kabina luksoze që plotësojnë çdo nevojë gjatë udhëtimit skenik. Ai do të ketë një kapacitet maksimal prej 82 pasagjerësh.

Sipas një njoftimi për shtyp të lëshuar nga SAR javën e kaluar, shpejtësia maksimale e trenit pritet të jetë 300 km/h. Rrjeti hekurudhor do të zgjerohet kryesisht në të gjithë Arabinë Saudite, duke lidhur destinacionet kryesore turistike brenda mbretërisë.

Ministri saudit i Transportit dhe Shërbimeve të Logjistikës dhe Presidenti i Inxhinierisë së Hekurudhave të Arabisë Saudite, Saleh bin Nasser Al Jasser, shpjeguan se kjo është një nga iniciativat për të “përmirësuar cilësinë e jetës”.

 

A2 CNN Livestream

Ditari nga Denisa Pasholli