Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 13%
  • Kujdesi familjar 83%
  • Ndikimi i shoqërisë 5%

Beshiktashi “kafshatë e fortë”, Tirana mbyll aventurën europiane

Nga A2 CNN
3 Gusht 2023, 22:13 | Futboll

Ka përfunduar përballë Beshiktashit aventura e Tiranës në Conference League.

Bardheblutë e kryeqytetit humbën dhe në ndeshjen e dytë të zhvilluar në Air Albania me rezultatin 0-2.

Djemtë e Shehit u shfaqën kaotikë në këtë takim, me shumë gabime në pasime dhe nuk dhanë maksimumin e tyre përballë një tifozerie që pothuajse kishte mbushur shkallët e stadiumit kombëtar.

Pjesa e parë përfundoi e qetë dhe pa raste të dukshme, me turqit që kishin vendosur të ruanin rezultatin e ndeshjes së parë të fituar 3-1.

Në pjesën e dytë, një goditje nga këndi e miqve gjeti mbrojtjen e Tiranës të përgjumur dhe Amerty përfitoi nga një devijim duke e dërguar topin në rrjetë.

Bardheblutë patën dhe një mundësi për të reaguar pasi Beshiktash mbeti me 10 lojtarë në minutën e 66 pas daljes së Masuaku me karton të kuq, por fuqitë ishin të pakta.

Një tjetër gabim solli dhe golin e dytë në minutën e 76 nga Abubakar, i cili e kaloi topin pas kurrizit të Likës.

Në fillim të ndeshjes pati dhe përplasje mes dy tifozerive në shkallët e stadiumit, por gjithçka u qetësua brenda pak minutash.

https://a2news.com/2023/08/03/nis-me-sherr-tirana-beshiktash-perplasen-tifozet/

A2 CNN Livestream

Ditari nga Erion Dushi