Oliver Varhelyi, komisioner për Fqinjësinë dhe Zgjerimin, u shpreh i kënaqur nga hapja e garës për plotësimin e vakancave për Gjykatën Kushtetuese, nga ana e Kuvendit dhe Presidentit.
“Mirëpres hapjen e procedurave të aplikimit për 2 vakancat në Gjykatën Kushtetuese. Është thelbësore që autoritetet shqiptare të mbështesin këtë proces pa e shtyrë më tej. Kjo është një kërkesë kyçe para mbledhjes së ardhshme të Këshillit Europian. Bashkimi europian vijon ta mbështesë Shqipërinë në rrugën e saj drejt anëtarësimit”, shkroi Varhelyi në Twitter.
Ndërkohë, ambasadori i Bashkimit Europian në Tiranë, Luigi Soreca, i bëri thirrje magjistratëve të kualifikuar që të bëhen pjesë e Gjykatës Kushtetuese, duke aplikuar për dy vendet vakante.
Problemi me këto dy vakanca është se mund të mos ngjallin interes te juristët, pasi mandati është dyvjeçar, duke qenë se janë krijuar për të zëvendësuar anëtarët e shkarkuar nga procesi i vetting-ut. (A2 Televizion)
A2 CNN Livestream
MUND TE LEXONI GJITHASHTU
