Inteligjenca Artificiale po pushton rrjetin, studimi: 20 profesione do të zhduken së shpejti

Nga A2 CNN
8 Mars 2023, 21:01 | Teknologji
Inteligjenca Artificiale po pushton rrjetin, studimi: 20 profesione do të

Shumë prej nxënësve kujtojnë me mall mësuesen  e tyre të letërsisë, ose mësuesin e historisë. Por këto profesione kaq të dashura për gjenerata të tëra mund të zhduken pjesërisht, për shkak të avancimit të teknologjisë, në veçanti për shkak të përhapjes së inteligjencës artificiale.

Një studim i këtyre ditëve nga universitetet prestigjioze amerikane të Princeton, Universiteti i Pensilvanisë dhe ai i Nju Jorku,  ka hulumtuar mbi efektet ndaj punësimin në industritë amerikane të aplikacionit ndoshta më të njohur të inteligjencës artificiale për momentin, ChatGPT, por më pas u zgjerua edhe në fusha të tjera.  

Sipas studimit, jo pa habi, profesionet më të rrezikuara nuk janë ato që lidhen me shkencat ekzakte, por më shumë ato letrare ose që kanë të bëjnë me fushën e analizës historike dhe shoqërore, multidimensionale, pikërisht aty ku elementi njerëzor cilësohej si i pazëvendësueshëm.

Pra më shumë se inxhinierë dhe matematicien, inteligjenca artificiale do të godasë mësuesit e shkollave, veçanërisht ato të letërsisë dhe gjuhëve të huaja, por edhe ato të shkencave politike dhe sociologjisë, por edhe ato në shërbimet ligjore, që shpesh jepen online.  

Pikërisht, në një dimension afatshkurtër, kategoria më e rrezikuar sipas studimit është ajo e operatorëve që punojnë në call-center, por rrezikojnë edhe psikologët, ndërmjetësit kulturorë, madje edhe vetë avokatët, në një të ardhme më afatgjatë.

https://a2news.com/2023/03/05/prifti-shkruan-predikimin-e-tij-ne-kishe-me-programin-e-inteligjences-artificiale-rezultati-nje-mrekulli/
https://a2news.com/2023/01/14/se-shpejti-diagnostikimi-i-tumoreve-do-te-kryhet-me-nje-shikim-te-vetem/

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Debat nga Alba Alishani