Kërcënimet e ministrit serb, reagon Mali i Zi dhe Maqedonia e Veriut

Nga A2 CNN
22 Gusht 2023, 08:00 | Ballkani
Kërcënimet e ministrit serb, reagon Mali i Zi dhe Maqedonia e Veriut

Zyrtarë të lartë të Maqedonisë së Veriut dhe Malit të Zi kanë reaguar pas deklaratave të ministrit serb, Millosh Vuçeviç, i cili deklaroi një ditë më parë se këto dy vende e kanë zemëruar shumë Serbinë kur njohën Kosovën dhe i kërcënoi ato se anëtarësimi në NATO nuk do të thotë se janë të mbrojtura.

Këto kërcënimi, ministri i Jashtëm i Maqedonisë të Veriut, Bujar Osmani i ka cilësuar si të papërshtatshme. Ai ka thënë se Maqedonia e Veriut është për paqe në rajon.

”Maqedonia e Veriut refuzon ndërhyrjen dhe vërejtjet e papërshtatshme nga zyrtarët fqinjë. Ne qëndrojmë për stabilitet dhe bashkëpunim rajonal, duke përfshirë Serbinë dhe Kosovën. Në pritje të sqarimit nga ministri i Mbrojtjes i Serbisë”, shkroi Osmani.

Presidenti i Malit të Zi, Jakov Milatoviç, tha gjithashtu se është e papranueshme çdo përpjekje për të ndërhyrë drejtpërdrejt ose indirekt me aktorët e huaj në krijimin e Qeverisë në Mal të Zi.

“Pres që formimi i Qeverisë së 44-të të bazohet në vullnetin e shprehur lirshëm të qytetarëve në zgjedhjet e kaluara parlamentare, si dhe në prioritetet programore që do të mundësojnë anëtarësimin e përshpejtuar të Malit të Zi në BE, rritjen e standardit jetësor dhe ndërtimi i shtetit të së drejtës”, shkroi Milatoviç.

https://a2news.com/2023/08/21/deklaratat-e-ministrit-serb-te-mbrojtjes-rama-nuk-do-te-lejojme-askend-te-na-terheqe-ne-te-shkuaren/

A2 CNN Livestream

Dita jonë