Rektorët e universiteteve në rrethe duket se janë neutral ndaj kërkesave të pedagogëve për rritjen e rrogës, si dhe mënyrës së reagimit duke paralajmëruar grevë për plotësimin e kërkesave të tyre.
Në prag të nisjes së viti të ri akademik, rektori i Universitetit “Fan Noli” në Korçë, Dhimitri Bello, pranon se është dakord me kërkesën për rritjen e rrogës së pedagogëve, por reagimin e tij e kushtëzon me daljen e VKM që do të përcaktojë shtesën prej 7 për qind të premtuar nga qeveria.
Ndërsa rektori i universitetit “Ismail Qemali” në Vlorë, Roland Zisi, nuk ka dijeni për ndonjë kërkesë nga pedagogët dhe aq më pak për paralajmërimin e ndonjë greve.
Ndërkohë sa i takon numrit të studentëve të regjistruar në vitin e parë në universitetet e Korçës dhe Vlorës, ai është thuajse i njëjtë krahasuar me vitin e kaluar, ndërsa disa nga programet e mësuesisë siç është fizika, matematika apo kimia, rrezikojnë pezullimin për shkak të numrit të vogël deri në zero të studentëve të regjistruar. (A2 Televizion)
A2 CNN Livestream
MUND TE LEXONI GJITHASHTU
