Kryetari i Sindikatës së Punonjësve të Universiteteve, Sandër Kovaçi, deklaroi për A2 CNN se bojkoti i pedagogëve do të zgjasë derisa qeveria të përgjigjet.
“Bojkoti mund të zgjasë 1 ditë ose pafund, derisa qeveria të na japë përgjigje për kërkesat tona. Të gjithë pedagogët janë pro peticionit. Unë u bëj thirrje të gjithëve që të solidarizohen, të mos kthehen në grevëthyes, pasi pastaj do të bojkotohen nga studentët. Kërkesa është e të gjithë pedagogëve, qofshin të majtë apo të djathtë”, tha Kovaçi.
Kur u pyet për përçarje të mundshme mes pedagogëve, Kovaçi u shpreh: “Rektorët patjetër që do ta bojkotojnë protestën, ndoshta nisen nga paga që kanë. Ata janë angazhuar me kryeministrin për të rritur pagat e profesorëve, por ka edhe pedagogë që nuk e kuptoj se si e kundërshtojnë peticionin tonë. Ndoshta firmosin në 10 bordero dhe nuk kanë nevojë që të vijnë në universitet”.
Më parë, në fjalimin e tij në protestë, Kovaçi ishte shprehur: “Orët 10:00 deri në 12:00 do të jemi para fakulteteve çdo ditë. Në funksion të përgjigjeve të qeverisë, Sindikata do të informojë për veprimet e veta”. (A2 Televizion)
A2 CNN Livestream
MUND TE LEXONI GJITHASHTU
