Sondazh: Dita ndërkombëtare kundër SIDA-s, sa i përdorni masat mbrojtëse?
  • Gjithmonë 13%
  • Shpesh 25%
  • Asnjëherë 63%

Kryenin aktivitet kundër rregullave për lëndët plasëse në minierë, 4 të proceduar në Klos

Nga A2 CNN
12 Gusht 2023, 14:54 | Kronikë
Kryenin aktivitet kundër rregullave për lëndët plasëse

Katër persona janë proceduar penalisht në Klos, pasi vepronin në mënyrë të paligjshme në minierën e fshatit Cërujë. Sipas Policisë të proceduarit janë drejtuesi teknik i subjektit minerar, dy magazinierë dhe një zjarrmëtar. Ata kishin përdorur lëndë plasëse duke shkelur rregullat për përdorimin civil të tyre dhe pa qenë të pajisur me dëshmitë përkatëse të aftësive për këtë aktivitet.

Vijojnë kontrollet në subjektet minerare të qarkut për verifikimin e zbatimit të ligjeve, kritereve dhe standardeve të sigurisë.

Njoftimi i Policisë Klos

Klos/Goditet një tjetër rast i aktivitet ekonomik, në një subjekt minerar, në cenim të rregullave për përdorimin civil të lëndëve plasëse dhe pa qenë të pajisur me dëshmitë përkatëse të aftësive për këtë aktivitet, procedohen penalisht 4 shtetas.

Të proceduarit, drejtuesi teknik i subjektit minerar, dy magazinierë dhe një zjarrmëtar.

Si rezultat i kontrolleve të vazhdueshme të ushtruara nga Strukturat e DVP Dibër, në subjektet minerare që operojnë në qark, me qëllim verifikimin e zbatimit të ligjeve, kritereve dhe standardeve të sigurisë, të parashikuara për këto subjekte, është konstatuar një tjetër rast ku disa shtetas vepronin në paligjshmëri, konkretisht në fshatin Cërujë. Për këtë shkak u referuan materialet në Prokurori ku nisi procedimi në gjendje të lirë, për veprën penale “Shkelja e rregullave mbi lëndët plasëse", për shtetasit A.S., 62 vjeç; A.K., 60 vjeç, I.D., 60 vjeç, D.Sh., 57 vjeç, të gjithë banues në Klos.

Nga provat e siguruara si rezultat i hetimit dhe i monitorimit të kryer prej disa muajsh, ndaj aktivitetit të këtyre shtetasve, rezultoi se në subjektin me drejtues teknik shtetasin A.S.,  dhe me magazinier shtetasit A.K., dhe I.D., ishin përdorur  lëndë plasëse në cenim të rregullave për përdorimin civil të tyre.

Gjithashtu rezultoi se shtetasi D.Sh., vijonte të ushtronte profesionin e zjarrmëtarit në këtë subjekt minerar,  edhe pse i kishte përfunduar afati i dëshmisë së aftësisë për këtë profesion

Kontrollet në subjektet minerare të qarkut, me qëllim verifikimin e zbatimit të ligjeve, kritereve dhe standardeve të sigurisë, vijojnë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

Debat - nga Alba Alishani