Sondazh: Cilat janë aktivitetet tuaja gjatë fundjavës?
  • Sport 13%
  • Me miqtë dhe familjen 53%
  • Rri në shtëpi 33%

''Masat e BE po dëmtojnë dialogun'', Osmani: Nuk janë proporcionale, pse s’u ndëshkuan agresorët serbë?  

Nga A2 CNN
15 Gusht 2023, 16:20 | Kosova
''Masat e BE po dëmtojnë dialogun'', Osmani: Nuk

Masat ndëshkuese të bashkimit Europian kundër Kosovës janë disproporcionale, të padrejta dhe dëmtojnë procesin e dialogut me Serbinë. Kështu u shpreh presidentja e Kosovës Vjosa Osmani e cila pyeti se si është e mundur që nuk është marrë asnjë masë kundër agresorëve serbë që plagosën forcat e NATO-s, edhe pse ka dëshmi të qarta mbi identitetin e tyre.

 “Pavarësisht asaj që ka ndodhur më 26 maj, vlerësoj se përgjigja e BE-së nëpërmjet masave që ka miratuar ka qenë komplet disproprocionale me veprimet e institucioneve të Kosovës. Nuk është përgjigje që nxitë bashkëpunimin dhe koordinimin, përkundrazi është përgjigje e cila më së shumti bën dëm procesit të dialogut që e qet komplet jashtë binarëve ku të dyja palët do të duhej të trajtoheshin në mënyrë të barabartë. Serbia ka pasur njerëz të saj që kanë sulmuar ushtarët e NATOS-. Për këta njerëz ka dëshmi të sakta. Ata njerëz janë në video, dihet kush janë, disa prej tyre janë policë të Serbisë dhe nuk ka asnjë masë të vetme në raport me Serbinë për këtë agresion që ka kryer në raport me Kosovën dhe për dhunën që ka kryer në raport me NATO-n”, tha Osmani.

Gjatë një vizite në komunën e Dragashit, Osmani theksoi se Kosova po zbaton me besnikëri marrëveshjen e Bratislavës, sipas të cilës janë reduktuar forcat policore pranë objekteve  komunale të veriun  e Kosovës. Presidentja theksoi po ashtu se është duke u krijuar edhe baza ligjore për mbajtjen e zgjedhjeve të jashtëzakonshme në 4 komunat dhe se tani i takon BE-së të ndërmarrë hapat e duhur.

“Të gjitha këto kanë qenë kërkesa të marrëveshjes së Bratislavës, tani presim që hapat t’i ndërmarrin partnerët tanë në Bashkimin Evropian, sepse masat e tyre kanë qenë komplet disproprocionale me çfarë do pakënaqësie që mund të kenë pasur në raport me veprimet e Qeverisë së Kosovës”, tha presidentja.

Osmani përsëriti thirrjen që komuniteti ndërkombëtar të shtojë presionin ndaj presidentit serb Aleksandër Vuçiç që të ndalë presionin ndaj serbëve në veri dhe dhunën nga strukturat ilegale. 

A2 CNN Livestream

Debat - nga Alba Alishani