Bie zjarr në një spital fëmijësh në Indi, humbin jetën 6 të porsalindur

Nga A2 CNN
26 Maj 2024, 10:48 | Bota
Bie zjarr në një spital fëmijësh në Indi, humbin

Të paktën gjashtë foshnja të porsalindura kanë vdekur si pasojë e një zjarr të rënë në një spital për fëmijë në kryeqytetin indian të Nju Delhi. Ngjarja e rëndë ka ndodhur mbrëmjen e djeshme.

Dymbëdhjetë të porsalindur u shpëtuan nga spitali, por gjashtë vdiqën nga zjarri, tha për CNN, Atul Garg, shefi i Shërbimeve të Zjarrfikësve në Delhi. Një nga foshnjat e shpëtuara është në gjendje të rëndë, ndërsa pesë të tjerët po marrin kujdes mjekësor, tha Garg.

Foshnjat e shpëtuara nuk janë identifikuar pasi autoritetet nuk kanë gjetur ende të dhënat e tyre të lindjes, të cilat dyshohet se mund të jenë djegur si pasojë e zjarrit.

Shërbimet e Zjarrfikësve të Delhi-t thanë se mori një telefonatë në orën 23:32 pasdite me orën lokale dhe nëntë zjarrfikëse u dërguan në vendngjarje.

Operacionet e shpëtimit janë duke u zhvilluar, ndërsa raportohet se zjarri filloi në një ndërtesë fqinje, por shkaku i saktë i flakëve ende nuk është përcaktuar. Në vitin 2021, 10 foshnja të porsalindura vdiqën nga një zjarr në spital në shtetin perëndimor indian të Maharashtra.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi