Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 11%
  • Kujdesi familjar 84%
  • Ndikimi i shoqërisë 5%

Irani prodhon dronin e ri "eksploziv" për Rusinë, Shahed-107 gati të godasë në Ukrainë

Nga A2 CNN
10 Janar 2024, 12:30 | Bota

Irani prodhon dronin e ri "eksploziv" për Rusinë, Shahed-107

Një dron i ri sulmues dhe raketa të reja tokë-tokë për Rusinë. Irani është shndërruar në furnizuesin kryesor me armë të Moskës, në një kohë kur Kremlini nuk parashikon të tërhiqet nga lufta në Ukrainë.

Prodhimi i Shahed-107 është konfirmuar për SkyNews nga një burim i informuar i sigurisë, që ka përshkruar dronin e ri si një mjet ajror "eksploziv", ndoshta i pajisur me teknologji për të kërkuar objektiva të fushës së betejës me vlerë të lartë si sistemet britanike dhe amerikane të raketave që përdoren në front nga forcat ukrainase.

Sipas detajeve të zbuluara disa njësi të dronit mund t'i jenë ofruar Rusisë në një marrëveshje që vlerësohet të kapë vlerën e më shumë se 2 milionë dollarëve.

Kjo pasqyron punën e rëndësishme të projektimit të forcës në të cilën është angazhuar Irani për të mbështetur interesat e Rusisë në lidhje me Ukrainën", tha burimi i medias angleze.

Shahed-107 devijon nga familja e mjeteve ajrore pa pilot Shahed-101, por me një bisht në formë V-je që i shtohet. Ai është rreth 2.5 metra i gjatë dhe me një hapje krahësh prej tre metrash, mund të lëshohet nga një automjet. Vlerësohet që droni të arrijë një distancë deri në 1500 km .

Perëndimorët dyshojnë se droni është i pajisur me një transmetues të drejtpërdrejtë për video. Aftësi të tilla zbulimi nënkuptojnë se droni mund të përdoret për të identifikuar objektivat në vijën e parë të Ukrainës ose sistemet e tjera të armëve.

Burimi i sigurisë ka pohuar se forcat iraniane të sigurisë kryen një provë me rusët në një bazë ajrore në Iranin qendror që përfshinte dronët Shahed-107 dhe Shahed-136.

Prodhimi i këtij droni vjen në një kohë kur Ukraina dhe aleatët e saj perëndimorë e kanë akuzuar Teheranin se po furnizon Moskën me qindra dronë, të njohur si Shahed-131 dhe Shahed-136, të cilësuar si "dronë kamikazë", sepse ata shpërthejnë kur arrijnë objektivin.

Pavarësisht kësaj, ministria ruse e Mbrojtjes dhe ministria e Jashtme e Iranit nuk i janë përgjigjur ende një kërkese për koment.

Në shtator, presidenti i Iranit mohoi se vendi i tij kishte dërguar drone ose armë për përdorim në Ukrainë. “Ne jemi kundër luftës në Ukrainë”, citohet të ketë thënë presidenti Ebrahim Raisi në një margjinal të Asamblesë së Përgjithshme të OKB-së në Nju Jork.

Por Sky News, vitin e kaluar, zbuloi një kontratë të supozuar armësh që ofroi provat e para të forta se Irani i kishte shitur municion Rusisë për aksionet e saj luftarake.

A2 CNN Livestream

Ditari nga Erion Dushi