Lufta në Ukrainë, Kuleba: Perëndimi duhet të na armatosë për t'u përballur me Rusinë

Nga A2 CNN
24 Prill 2024, 17:50 | Bota

Lufta në Ukrainë, Kuleba: Perëndimi duhet të na

“Perëndimi duhet të forcojë mbrojtjen e tij pasi epoka e paqes në Evropë ka përfunduar”. Deklarata është bërë nga ministri i Jashtëm ukrainas Dmytro Kuleba, në një intervistë që i dha gazetës britanike Guardian. Kuleba përshëndeti miratimin e paketës së ndihmës së SHBA, por theksoi se aleatët do të duhet të rrisin prodhimin e armëve për të kundërshtuar në mënyrë efektive Rusinë.

Ministri ukrainas vlerësoi vendimin e politikanëve amerikanë për paketën e ndihmës ushtarake prej 61 miliardë dollarësh, por paralajmëroi se pajisjet e reja nuk do të bëjnë menjëherë ndryshim në fushën e betejës.

Kuleba gjithashtu pohoi se Ukraina ka identifikuar shtatë sisteme të mbrojtjes ajrore Patriot që mund të përdorë për të mbrojtur civilët në qytetet e mëdha jashtë Kievit. Njërin e ka marrë Gjermania, katër të tjerat i ka lokalizuar, po zhvillohen negociata për dorëzimin e tyre ndërsa dy të tjera është ende në pritje.

“Bisedimet për blerjen e sistemeve të mbrojtjes ajrore kanë qenë të komplikuara. Nuk kam asnjë dyshim, duke pasur parasysh progresin që po bëjmë, se Patriotët do të mbërrijnë dhe Gjermania duhet të lavdërohet për lëvizjen”.

“Rusia pritet të nisë një ofensivë në vapën e momentit dhe thuhet se është në proces të mobilizimit të 100,000 rezervistëve shtesë për të luftuar në front”, shtoi ai, duke theksuar se aleatët nuk duhet të rrinë duarkryq.

A2 CNN Livestream

Ditari nga Denisa Pasholli