Samiti i 30-të i Liderëve të Bashkëpunimit Ekonomik Azi-Paqësor në Shtetet e Bashkuara u përmbyll me sukses.
Pjesëmarrësit në takimin e Kalifornisë miratuan deklaratën e “Golden Gate” për krijimin e një të ardhmeje elastike dhe të qëndrueshme për të gjithë.
“Ne duhet të shfrytëzojmë përparimin teknologjik dhe ekonomik për të vazhduar të çlirojmë potencialin e madh dhe dinamizmin e jashtëzakonshëm në të gjithë rajonin tonë, të nxisë rritjen ekonomike, si dhe të adresojmë të gjitha sfidat mjedisore, përfshirë ndryshimin e klimës” thuhet në deklaratë pas takimit dy-ditor.
Krerët ekonomikë të APEC-ut riafirmuan rëndësinë e një sistemi tregtar shumëpalësh të bazuar në rregulla, me Organizatën Botërore të Tregtisë në thelbin e saj. Udhëheqësit u angazhuan për avancimin e integrimit ekonomik në rajon në një mënyrë të drejtuar nga tregu.
Ata u zotuan të sigurojnë një fushë loje të barabartë për të nxitur një mjedis të favorshëm tregtie dhe investimesh dhe bënë thirrje për përpjekje më intensive për të përballuar sfidat e paraqitura nga ndryshimi i klimës. Udhëheqësit u zotuan gjithashtu të shtojnë përpjekjet për të arritur sigurinë ushqimore, për të përmirësuar cilësinë e jetës për të gjithë njerëzit dhe për të promovuar pjesëmarrjen dhe udhëheqjen e plotë dhe të barabartë të grave.
Ata u zotuan të krijojnë shtigje për rritjen e sipërmarrjeve mikro, të vogla dhe të mesme dhe bizneset fillestare, të krijojnë një ekosistem dixhital jodiskriminues dhe të luftojnë së bashku korrupsionin ndërkufitar. (A2 Televizion)
A2 CNN Livestream
MUND TE LEXONI GJITHASHTU
