Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 6%
  • Kujdesi familjar 82%
  • Ndikimi i shoqërisë 12%

Mbylli të bijën në bodrum për 24 vite dhe bëri 7 fëmijë me të, lirohet nga qelia babai monstër

Nga A2 CNN
25 Janar 2024, 13:29 | Bota

Mbylli të bijën në bodrum për 24 vite dhe bëri 7

Josef Fritzl, austriaku që e mbajti vajzën e tij të burgosur në bodrum për 24 vjet dhe kishte shtatë fëmijë me të, do të mund të largohet nga burgu me kusht për t’u transferuar në një azil pleqsh.

Gjykata në Krems të Austrisë mori vendimin, këtë të enjte, pasi sipas një raporti psikiatrik, 88-vjeçari vuan nga demenca dhe nuk paraqet më rrezik për publikun. Prokuroria mund ta apelojë vendimin e gjykatës brenda 14 ditëve.

Mbylli të bijën në bodrum për 24 vite dhe bëri 7

Kujtojmë se rasti i bujshëm doli në dritë në vitin 2008, kur vajza e Fritzl, Elisabeth, asokohe 42 vjeçe, përfundoi në urgjencë dhe më pas i tha policisë se ishte mbajtur rob nga babai i saj për shumë vite.

Fritzl u dënua me burgim të përjetshëm në vitin 2009 për vrasjen e njërit prej djemve të tij nga pakujdesia, si dhe për përdhunim, incest dhe skllavërim të vajzës së tij.

Mbylli të bijën në bodrum për 24 vite dhe bëri 7

Sipas mediave të huaja, burri ndërkohë ka ndërruar emrin, ashtu si edhe vajza e tij që jeton në një vend të panjohur në Austri, ndërsa shtëpia ku ndodhën këto ngjarje të tmerrshme, është shembur.

A2 CNN Livestream

Ditari nga Bruna Çifligu