Yulia Navalnaya, e veja e liderit të opozitës ruse, Alexei Navalny, tha se ka frikë se presidenti rus Vladimir Putin mund të urdhërojë arrestimin e saj në funeralin e burrit të saj të premten.
Duke iu drejtuar Parlamentit Evropian, Navalnaya u shpreh e shqetësuar për situatën dhe të papriturat që mund të ndodhin.
"Nuk jam ende e sigurt nëse varrimi do të jetë paqësor apo nëse policia do të arrestojë ata që kanë ardhur për t'i thënë lamtumirë burrit tim", u tha ajo eurodeputetëve.
Ceremonia do të zhvillohet në një kishë ortodokse në një zonë banimi në juglindje të Moskës ku Navalny do të varroset në një varrezë lokale.
Kremlini i ka hedhur poshtë akuzat se ka gisht në vdekjen e Navalnyt, ndërsa Navalnaya është zotuar se do ta vazhdojë punën e bashkëshortit të ndjerë për zbulimin e korrupsionit në Rusi dhe përpjekjet për liri, demokraci dhe të drejtat e njeriut, të cilat Putini i ka kufizuar gjatë sundimit të tij mbi 20-vjeçar. (A2 Televizion)
A2 CNN Livestream
MUND TE LEXONI GJITHASHTU
