Sondazh: Cilat janë aktivitetet tuaja gjatë fundjavës?
  • Sport 13%
  • Me miqtë dhe familjen 53%
  • Rri në shtëpi 33%

Rrezik për luftë në Amerikën Latine. Maduro gati të aneksojë Guajanën, Brazili nis trupat në kufi

Nga A2 CNN
4 Dhjetor 2023, 14:53 | Bota

Rrezik për luftë në Amerikën Latine. Maduro gati të

Është sa gjysma e madhësisë së Italisë dhe është e pasur me minerale të çmuara dhe naftë. Kjo është arsyeja pse shkretëtira Esequibo mund të përfundojë duke ndezur një luftë në Amerikën Latine.

Frika është rritur edhe më shumë pas referendumit të mbajtur dje në Venezuelë, ku 70% e popullit ka mbështetur presidentin Nicolás Maduro për aneksimin e kësaj zone të diskutueshme prej 160 mijë kilometrash katrorë, të administruar prej kohësh nga Guajana.

Pasi Komisioni Zgjedhor njoftoi se 10,554,320 venezuelianë votuan po, Maduro në mbrëmje festoi rezultatin e referendumit me një tubim në Karakas. Ai tha se konsensusi ishte më i madh se 95% për të pesë pyetjet e bëra, përfshirë atë më të diskutueshme, të pestën, e cila kërkoi mbështetje për propozimin për krijimin e një shteti të quajtur Guajana Esequiba për t'u integruar në Federatën Venezueliane.

Ndërkohë, opozita i kundërshton këto rezultate, me ish-kandidatin për president, Henrique Capriles, i cili shkroi në platformën X: “Vetëm 2,110,864 qytetarë dolën në votime, këto janë vota të fryra nga pushteti”.

Maduro pretendon se zona e Esequibo i është vjedhur Venezuelës "vjedhur" nga kolonialistët.

"Ne po zgjidhim me mjete paqësore dhe demokratike një shpronësim perandorak që zgjati 150 vjet", tha ai pasi mobilizoi ushtrinë në të gjithë vendin.

Në shekullin e 19-të, forcat koloniale britanike privuan Venezuelën nga një pjesë e madhe e tokës, një proces që kulmoi me Vendimin e Arbitrazhit të vitit 1899, të cilin Karakasi e konsideron "të njollosur nga nuliteti". Që atëherë, ata kanë denoncuar ashpër "shpronësimin", dhe në shekullin e kaluar paraqitën një ankesë në OKB.

Në vitin 1966, Marrëveshja e Gjenevës u nënshkrua midis Venezuelës, Britanisë së Madhe dhe Guianës Britanike, tani Guajana, e cila njeh një mosmarrëveshje territoriale që duhet të zgjidhet përmes negociatave.

Tensionet u ndezën sërish fuqishëm kur në vitin 2015 u zbulua një fushë e pasur nafte në brigjet e Esequibo, në Oqeanin Atlantik dhe Guajana nënshkroi marrëveshje eksplorimi me Exxon.

Ndërkohë, të premten e kaluar, Gjykata Ndërkombëtare e Drejtësisë urdhëroi Venezuelën të mos ndërmarrë asnjë veprim "që mund të ndryshojë kontrollin e Guajanës mbi Esequibo". Por teksa lëvizjet e Maduros mbeten të dyshimta, duke pasur parasysh edhe eskalimin e situatës, Brazili, me të cilin kufizohet Esequibo, ka forcuar praninë e tij ushtarake në zonë.

A2 CNN Livestream

Debat - nga Alba Alishani