Sondazh: Çfarë ju pengon për t'u ushqyer shëndetshëm?
  • Çmimet e larta 73%
  • Mungesa e kohës 18%
  • Mungesë motivimi 9%
  • Lodhja fizike 0%

Rritet përçarja, CNN: Zelensky mund të shkarkojë shefin e ushtrisë Valery Zaluzhny

Nga A2 CNN
1 Shkurt 2024, 07:07 | Bota

Rritet përçarja, CNN: Zelensky mund të shkarkojë shefin e

Shefi i ushtrisë së Ukrainës, Valery Zaluzhny, u thirr në një takim në zyrën e presidentit të hënën, ku sipas CNN i është komunikuar shkarkimi. Sipas burimeve të CNN ende nuk është bërë një njoftim zyrtar, që do të thotë se Zaluzhny ishte ende në post që nga mbrëmja e së mërkurës, megjithatë, një dekret presidencial pritet deri në fund të javës.

Kjo do të ishte tronditja më e madhe ushtarake nga Zelensky që nga fillimi i pushtimit të plotë të Rusisë, pothuajse dy vjet më parë.

Lajmet për takimin dhe shkarkimin e Zaluzhny, shpërthyen në Kiev të hënën në mbrëmje, pas një përçarje që kishte ndodhur midis presidentit dhe komandantit të tij të përgjithshëm, pas dështimit të kundërofensive ukrainase, vitin e kaluar.

Tensionet thuhet se janë rritur veçanërisht kur Zaluzhny e përshkroi luftën me Rusinë si një ngërç, në një intervistë me revistën “Economist” në nëntor.

Të hënën, zëdhënësi presidencial Serhiy Nykyforov deklaroi se thashethemet për shkarkimin e shefit të ushtrisë ishin të pavërteta. Ministria e Mbrojtjes publikoi gjithashtu një mesazh në kanalet e saj të mediave sociale ku shkruhej: “Të dashur gazetarë, një përgjigje e menjëhershme për të gjithë: Jo, kjo nuk është e vërtetë”.

Dhe në fjalimin e tij të përditshëm të mbrëmjes të hënën, vetë Zelensky nuk iu referua fare shefit të ushtrisë së tij.

A2 CNN Livestream

Ditari nga Erion Dushi