Sondazh: A mendoni se është rritur roli i Shqipërisë në politikën ndërkombëtare?
  • Po 54%
  • Jo 46%

Makinat e Kosovës lëvizin lirshëm në Serbi

Nga A2 CNN
1 Janar 2024, 17:38 | Aktualitet

Makinat e Kosovës lëvizin lirshëm në Serbi

Prej 1 janarit makinat me targën e Kosovës, RKS do të mund të lëvizin lirshëm në territorin e Serbisë.

Qeveria e Serbisë vendosi të marrë këtë vendim në 25 dhjetor, teksa zyrtari për Kosovën në qeverinë serbe, Petar Petkoviç u shpreh se kjo gjë u bë e mundur për të ndihmuar qytetarët serbë.

Sipas Radio Evropa e Lirë, vendimi i qeverisë serbe për të njohur makinat me targa RKS u mor pasi serbët që jetojnë në komunat në veri të Kosovës, gjerësisht i zëvendësuan targat e lëshuara nga UNMIK-u, por edhe targat e lëshuara nga autoritetet e Serbisë që ishin me akronime serbe.

Të dhënat e Qeverisë së Kosovës tregojnë se nga 1 nëntori deri më 14 dhjetor, 3.405 qytetarë kanë konvertuar targat serbe në ato RKS, kryesisht në Mitrovicë të Veriut dhe Leposaviç.

 

A2 CNN Livestream

Ditari nga Denisa Pasholli