“Sakrifica për liri, ia vlejti”, i mbijetuarit rrëfen tmerrin nga masakra e Likoshanit dhe Qerizit

Nga A2 CNN
29 Shkurt 2024, 20:53 | Aktualitet

Ky është Sheramet Sejdiu, i mbijetuar nga masakra e ushtrisë serbe në Likoshan dhe Qeriz të Kosovës. Për A2 CNN rrëfen ditën e zymtë të 28 shkurtit të vitit 1998 që shënoi herën e parë të përplasjes mes agresorëve serbë me Ushtrinë Çlirimtare të Kosovës, që rezultoi me lirinë e vendit. Me lot në sy, tregon që sakrifica e madhe ia ka vlejtur.

Me fillimi i luftës për liri në Kosovë, në fshatrat e Drenicës, Likoshan dhe Qirëz , te vendi i quajtur “Të tre lisat” u zhvilluan betejat e para mes Ushtrisë Çlirimtare të Kosovës dhe forcave kriminele serbe. Aty mbetën të vrarë disa policë serbë. Si pasojë e kësaj, forcat agresore rrethuan të dy fshatrat ku ekzekutuan 24 civilë të pafajshëm.

Që në ditën e parë të luftimeve, forcat serbe kryen masakra ndaj civilëve, vetëm në familjen Ahmeti vranë 11 persona. Kurse familja Sejdiu në këtë betejë i dha lirisë së Kosovës 4 djemtë dëshmorë.

Sheramet Sejdiu, në moshën 82-vjeçare ka dhe një këshillë për të rinjtë, gjithashtu edhe për politikën.

A2 CNN Livestream

Ditari nga Denisa Pasholli