Sondazh: Çfarë ju pengon për t'u ushqyer shëndetshëm?
  • Çmimet e larta 0%
  • Mungesa e kohës 0%
  • Mungesë motivimi 0%
  • Lodhja fizike 0%

“Pres lajme të këqija për Serbinë”, Vuçiç: Miqtë na gënjyen, nuk do të jetë e lehtë për Kosovën

Nga A2 CNN
17 Mars 2024, 15:15 | Kosova

“Pres lajme të këqija për Serbinë”,

Presidenti serb Aleksandar Vuçiç tha se pret vetëm lajme të këqija për Serbinë dhe se Serbia do të ndryshojë qasjen ndaj dialogut me Kosovën, i cili po zhvillohet me ndërmjetësimin e Bashkimit Evropian, citon Radio Europa e Lirë.

“Unë do të shpjegoj se si disa të ashtuquajtur miq dhe të tjerë na mashtruan, gënjyen, vepruan dhe ka të bëjë me anëtarësimin e Kosovës në Këshillin e Evropës”, ​​tha Vuçiç.

Duke folur për anëtarësimin e Kosovës në Këshillin e Evropës, Vuçiç tha se “u kemi thënë se çfarë do të ndodhë nëse kjo ndodh, pasi ata mendojnë se kanë të drejtë ta interpretojnë marrëveshjen në mënyrë të rreme”.

Vuçiç njoftoi gjithashtu ndryshime në qasjen e vendit të tij ndaj dialogut. Ai tha se nuk do të jetë e lehtë “të paktën” për popullin e Kosovës.

"Por do të ketë gjithashtu ndryshime në doktrinën dhe qasjet tona. Ata nuk do të na sjellin më në faktin e kryer dhe nuk do të thonë se jeni dakord me të".

Negociatorët kryesorë të Kosovës dhe Serbisë do të takohen të martën më 19 mars në Bruksel për të diskutuar në kuadër të dialogut për çështjen e dinarit serb, përdorimi i të cilit ishte ndaluar nga autoritetet kosovare me rregulloren e re të monedhës që hyri në fuqi në shkurt.

A2 CNN Livestream

Ditari nga Erion Dushi