Rrëzime të frikshme e grushte mes pilotëve, shmanget tragjedia në garën e Moto GP

Nga A2 CNN
15 Maj 2023, 09:51 | Sporte të tjera

Gara e Moto GP në Le Mansh është shoqëruar me situata të pazakonta që kanë ndodhur në xhiron e saj të 6, me rrëzime të frikshme, grushte mes pilotëve dhe një moment që mund të kthehej në një tragjedi të vërtetë.

Fillimisht, ishin Banjaia dhe Vinales që u përplasen me njëri-tjetrin, ndërsa mbanin dy vendet e para në garë. Pilotët dolën nga pista dhe menjëherë ishte Vinales i cili iu kthye italianit duke e kritikuar, me këtë të fundit që nuk ngurroi ta shtynte me forcë, duke detyruar komisarët e pistës që të ndërhynin për t’i ndarë.

Pak çaste më vonë, ishte një tjetër përplasje mes Luka Marini dhe Aleks Markez, Ky i fundit rrezikoi seriozisht jetën pasi gjithçka ndodhi në pjesën e drejtë dhe ai ra në mes të pistës.

Motorët vinin me shpejtësi marramendëse dhe për pak u mendua më e keqja për pilotin spanjoll, i cili u largua si mundi këmbë dorazi për të shmangur përplasjen.

A2 CNN Livestream

Dita jonë 2024