Këto katër gra në moshë pensioni prej shumë vitesh i gjen bashkë në cepin e tregut të lagjes “24 maji” të Vlorës. Secila përpiqet me punët e dorës të nxjerrë diçka më shumë që të përmbushin detyrimet që nuk i mbyllin dot me pensionin.
Por përtej anës ekonomike, punimet e tyre kryesisht ne lesh, janë një art i vërtetë. Një produkt i bërë me dorë, i trashëguar nga nënat e tyre.
Shumë mund për të arritur një fitim minimal, të cilin nuk e marrin çdo ditë. Por sa pasioni për këto punime sa shpresa se mbase do të vijë dikush për t’i blerë i bën të mos dorëzohen edhe pse kohët e fundit shprehen se kërkesat e blerësve kanë rënë
Ashtu si nënat ua mësuan atyre edhe vetë duarartat e fundit të Vlorës janë përpjekur tua kalojnë stafetën vajzave të tyre, të cilat nuk duket se do të vazhdojnë më këtë traditë.
Nuk do të jetë e largët koha që punime të tilla të bëra me dorë nuk do të gjenden më në treg, duke rrezikuar të shuhet një traditë shekullore.
(A2 Televizion)
A2 CNN Livestream
MUND TE LEXONI GJITHASHTU
