Mes tetorit dhe turistët në Gjirokastër vijojnë të gjallërojnë qafën e pazarit, hotelet dhe restorantet. Ajo që synohej vite më parë duket se tashmë mund të quhet realitet: turizmi gjithëvjetor në qytetin e UNESCO-s.
Përveç vlerave historike dhe kulturore, si dhe kulinarisë dhe mikpritjes, duket se në zgjatjen e sezonit përtej atij veror po kontribuojnë edhe çmimet e favorshme që po aplikohen në këtë periudhë nga hotelet dhe restorantet. Madje, për muajt nëntor dhe dhjetor, çmimet pritet të jenë akoma edhe më të ulta.
Çmimet janë pjesë e ofertës që subjektet e shërbimit dhe ato akomoduese synojnë të mbajnë sa më gjatë turistët në Gjirokastër, dhe për këtë administratorët shprehen se duhet të vendosen standarde në mënyrë që turisti të ikë i kënaqur, dhe fitimi të realizohet përmes xhiros dhe jo çmimeve të larta.
Nga janari deri më tani, nga të dhënat paraprake, rezulton se Gjirokastrën e kanë vizituar së paku 400 mijë turistë, kryesisht të huaj. Kjo shifër premton të jetë në rritje edhe në muajt nëntor dhe dhjetor. (A2 Televizion)
A2 CNN Livestream
MUND TE LEXONI GJITHASHTU
