Pretenca për Belerin më 13 shkurt, SPAK e akuzon për korrupsion në zgjedhje

Nga A2 CNN
1 Shkurt 2024, 16:43 | Aktualitet

Pretenca për Belerin më 13 shkurt, SPAK e akuzon për korrupsion

Gjykata e Posaçme ka përfunduar shqyrtimin e dosjes ndaj Alfred Belerit dhe caktoi datën 13 Shkurt për pretencën.

SPAK e akuzon kryebashkiakun e zgjedhur të Himarës për korrupsion në zgjedhje. Ai u arrestua vetëm dy ditë para zgjedhjeve të 14 majit dhe që prej asaj kohe qëndron në paraburgim, duke mos u lejuar që të betohet si kryebashkiak i Himarës.

Seanca ndaj tij janë ndjekur përgjatë gjithë kësaj kohe nga ambasadorja greke dhe kreu i PBDNJ, Vangjel Dule.

Në përfundim të seancës së sotme, avokati i kryebashiakut të zgjedhur të Himarës, hodhi akuza kundër prokurorisë dhe gjykatës se po veprojnë në koordinim për të zgjatur gjykimin.

A2 CNN Livestream

Ditari nga Denisa Pasholli