Sondazh: Të bëhesh i pasur në Shqipëri është:
  • E lehtë 10%
  • E vështirë 60%
  • E pamundur 30%

Balluku inspekton rrjetin e ri të kanalizimeve në Mat, paralajmëron penalizime për ndotësit e ujërave larës

Nga A2 CNN
10 Shkurt 2024, 17:18 | Ekonomi

Në Bashkinë e Matit po zbatohet projekti për ndërtimin e rrjetit të kanalizimeve të ujërave të ndotura dhe impiatin e trajtimit të tyre.

Projekti përfshinë qytetin e Burrelit dhe zonat perifierike të tij duke i dhënë zgjidhje një problematike shumëvjeçare për këtë zonë.

Projekti parashikon shtrimin e rreth 24 kilometrave linjë të kanalizimeve, 300 puseta për disiplinimin e ujërave të ndotura dhe shtrimin e rrjeteve sekondare dhe terciale.

Në terren, për inspektimin e punimeve ishte e pranishme Ministrja e Infrastrukturës dhe Energjisë, Belinda Balluku. Administratori i AKUK, Klevis Jahaj gjatë inspektimit të punimeve për kolektorin kryesor zbuloi detaje nga projekti, duke thënë se deri më tani është realizuar afro 30% e tij.

Kolektori kryesor me diametër 1500 do të mbledhë 4 linjat kryesore të qytetit, të fshatit Muzhak dhe të zonës periferike të qytetit. Ky kolektor kryesor do të shkojë me vetërrjedhje pranë impiantit. Projekti parashikon dhe ndërtimin e një impianti para trajtimit të ujërave të ndotura, gjithashtu dhe një godinë për personelin së bashku me laboratorin, lidhjen e energjisë elektrike pranë tij, makineritë dhe pajisjet që i duhen drejtorisë rajonale për ta mirëmbajtur dhe për të operuar në pastrimin e të gjithë rrjetit të kanalizimeve”, njoftoi drejtori Jahaj.

Aktualisht zona periferike e Burrelit dhe fshati Muzhak largimin e ujërave të ndotura e bën ndërmjet gropave septike, të ndërtuara jashtë kushteve teknike, ndërsa pjesa tjetër përmes kanaleve të hapura të cilat paraqesin një rrezik të vazhdueshëm. Me investimin që po bëhet kjo problematikë merr zgjidhje.

Duke vlerësua këtë ndërhyrje, ministrja Balluku u ndal tek aksioni që qeveria njoftoi vetëm pak ditë më parë, i cili ka në fokus ujërat larës, dhe reduktimin e ndotjes së tyre. Balluku përsëriti edhe një herë apelin drejtuar subjekteve që operojnë pranë ujërave larës që të marrin masa për trajtimin e ujërave të ndotur.

Të gjithë ato njësi tregtare që operojë dhe flasim kryesisht për hoteleri, restorante, pika të tjera argëtimi, të cilat operojnë në zonën bregdetare, në të gjitha ato zona ku ndodhen ujërat larëse, liqenet edhe lumenjtë, duhet që të implementojnë një impiant për pastrimin, për purifikimin e ujërave të ndotura para se ato të hidhen në kolektorët apo në ato vende të dizajnuara për tu shkarkuar. Kjo për shkak se tashmë Shqipëria katërfishon numrin e saj të banorëve gjatë periudhës së sezonit turistik”, tha Balluku.

Për subjektet të cilat do të refuzojnë këto masa, Balluku risolli në vëmendje penalizimet të cilat shkojnë deri në pezullim të aktivitetit.

Pas 90 ditëve Task Forca do të ketë të drejtën të fillojë të kontrollojë dhe të monitorojë në terren se çfarë ndodh në të vërtetë, a janë këto subjekte tashmë të pajisura me impiantin? Në rast se do të vihet re që disa subjekte nuk e kanë përmbushur këtë kërkesë detyrimisht ato do të gjobiten përmes një mase administrative dhe do ti jepet edhe 60 ditë kohë për implementimin dhe në rast se pas 60 ditësh do të vazhdoj të ketë një mos bindje nga ana e bizneseve për të vendosur impiante, gjoba do të eskalojë, por nga ana tjetër Task Forcës do ti lindë dhe e drejta për të bllokuar aktivitetin e subjekteve”, nënvizoi Balluku.

A2 CNN Livestream

Dita jonë