Sondazh: Të bëhesh i pasur në Shqipëri është:
  • E lehtë 10%
  • E vështirë 60%
  • E pamundur 30%

Bën “prapakthehu” për inflacionin, Banka e Shqipërisë ndryshon parashikimin, objektivi 3% i vështirë

Nga Marinela Lina
9 Shkurt 2024, 16:09 | Ekonomi

Banka e Shqipërisë ka bërë "prapakthehu" në parashikimin e saj sa i përket arritjes në objektiv të inflacionit për 2024. Në daljen e fundit, Guvernatori i Bankës së Shqipërisë deklaroi se vendit i duhen dhe disa tremujorë për uljen e indeksit të çmimeve të konsumit, duke ecur kështu në linjën e Fondit Monetar Ndërkombëtar se objektivi do të arrihet në 2025.

Pavarësisht se Banka e Shqipërisë parashikon se treguesi i ndryshimit të çmimeve pritet të arrijë në objektivin 3% brenda 2024 është pikërisht Këshilli Mbikëqyrës i saj, i cili bëri të ditur se presionet inflacioniste në ekonominë e brendshme janë ende një faktor rreziku.

“Në fakt, Banka e Shqipërisë për 2024 tha jemi shumë pranë arritjes së objektivit për shkak se në vend kishim një nënçmim të euros dhe duke qenë se ne kemi një varësi nga importet menduan se çmimet e produkteve do kishin ulje do ishin pranë arritjes së objektivit. Nga ky konkluzion mund të themi që FMN ka të drejtë dhe 2025 mund të arrihet objektivi”, u shpreh Romina Radonshiq, eksperte ekonomie.

Bën “prapakthehu” për inflacionin, Banka e

Të paktën edhe 1 vit, qytetarët shqiptarë do të vijojnë të paguajnë shtrenjtë çmimet. Nga ushqime e pije joalkoolike, mobilje pajisje shtëpiake, qira e ujë, veshje e këpucë qytetarët do vijojnë t’i paguajnë me një çmim më të lartë se në 2023.

“Mendoj që për produktet bazë është e vështirë të themi që do ketë ulje se për sa kohë nuk u reflektua vitin e kaluar këtë vit mund të mos bëhet. Kemi psikologjinë e çmimeve që tregtarët janë në dijeni që klientët i pranojnë këto lloj çmimesh dhe nëse bëjnë ulje do të jenë shumë të vogla”, theksoi Radonshiq.

Një vit më parë, inflacioni u mbyll në nivelin e 4%, 1% larg objektivit.

A2 CNN Livestream

Dita jonë