Të shtëna me armë zjarri janë regjistruar në orët e para të mëngjesit në fshatin Rrilë të Lezhës, ku për pasojë ka mbetur i plagosur një person.
Sipas të dhënave paraprake, personi i plagosur është identifikuar si Agron Puka, 54 vjeç, i cili është qëlluar me breshëri, disa herë, teksa udhëtonte me mjetin e tij. Burimet bëjnë me dije se 54-vjeçarit i kanë zënë pritë sapo ka lënë fëmijët në shkollë.
Autori i ngjarjes është larguar me shpejtësi, teksa policia ka rrethuar zonën dhe po punon për kapjen e tij.
Puka u dërgua me urgjencë në spital dhe ndodhet në gjendje të rëndë shëndetësore, teksa motivet e atentatit janë ende të paqarta. (A2 Televizion)
A2 CNN Livestream
MUND TE LEXONI GJITHASHTU
