Sondazh: Çfarë ju pengon për t'u ushqyer shëndetshëm?
  • Çmimet e larta 50%
  • Mungesa e kohës 33%
  • Mungesë motivimi 0%
  • Lodhja fizike 17%

Pjesë e një grupi kriminal, ekstradohet nga Abu Dhabi 28-vjeçari shqiptar

Nga A2 CNN
13 Mars 2024, 12:54 | Kronikë

Pjesë e një grupi kriminal, ekstradohet nga Abu Dhabi

Është ekstraduar nga Emiratet e Bashkuara Arabe 28-vjeçari shqiptar i shpallur në kërkim ndërkombëtar për mashtrim kompjuterik. Bruno Çobo akuzohet nga SPAK-u, si pjesëtar i një grupi të strukturuar që kryente veprimtarinë kriminale të mashtrimit kompjuterik, nëpërmjet një call center-i.

Grupi kriminal në të cilën ai bënte pjesë, dyshohet se ka përfituar rreth 4 700 000 euro, nga skema e mashtrimit.   

Ai është lokalizuar në Abu Dhabi, pas shkëmbimit të informacioneve mes Drejtorisë së Interpolit, Departamentit të Policisë Kriminale dhe homologëve në Emiratet e Bashkuara Arabe. 

28-vjeçari ka bërë kërkesë për t’u kthyer me dëshirë dhe ditën e sotme është bërë deportimi i tij në Shqipëri.   

Çobo akuzohet nga Prokuroria e Posaçme Kundër Korrupsionit dhe Krimit të Organizuar, për veprat penale ''Mashtrimi kompjuterik”, kryer në bashkëpunim, në formën e grupit të strukturuar kriminal”, ''Grupi i strukturuar kriminal'' dhe ''Kryerja e veprave penale nga organizata kriminale”. 

A2 CNN Livestream

Dita jonë