Plagosi të riun me thikë, arrestohet pas disa orësh ndjekje 27-vjeçari në Durrës

Nga A2 CNN
16 Shkurt 2024, 16:59 | Kronikë

Plagosi të riun me thikë, arrestohet pas disa orësh ndjekje

Një 27-vjeçar ka rënë në prangat e policisë pasi ka plagosur me thikë një të ri. Ngjarja ka ndodhur rreth orës 09:10, në lagjen “Skënderbeg”, ku pas një konflikti të çastit, për motive të dobëta, 27-vjeçari i identifikuar si A. Gj banues në fshatin Grude e Re qëlloi me thikë A. Gj., 22 vjeç.

Arrestimi i të riut është bërë pas disa orësh ndjekje, e ndërsa për fat i plagosuri ndodhet në gjendje të mirë shëndetësore.

“Plagosi me (thikë),  gjatë një konflikti të çastit një 22 vjeçar, Policia pas disa orësh ndjekjeje kapi dhe vuri në pranga autorin e dyshuar.

Shërbimet e  Komisariatit të Policisë Shkodër menjëherë pas identifikimit se shtetasi A.Gj., ka dëmtuar me mjet prerës (thikë), një 22-vjeçar, janë venë në ndjekje dhe  pas disa orësh ndjekjeje dhe kërkimesh bënë të mundur lokalizimin, kapjen dhe arrestimin në flagrancë  të autorit, shtetasit  A. Gj., 27 vjeç, banues në fshatin Grude e Re.

Ky shtetas dyshohet se më datë 16.02.2024 rreth orës 09:10, në lagjen “Skënderbeg”, pas një konflikti të çastit, për motive të dobëta, ka dëmtuar me mjet prerës (thikë), shtetasin A. Gj., 22 vjeç, banues në fshatin Hot i Ri, i cili po merr asistencë mjekësore dhe është jashtë rrezikut për jetën. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”, thuhet në njoftim.

A2 CNN Livestream

Ditari nga Bruna Çifligu