Sondazh: Çfarë ju pengon për t'u ushqyer shëndetshëm?
  • Çmimet e larta 67%
  • Mungesa e kohës 22%
  • Mungesë motivimi 0%
  • Lodhja fizike 11%

Tentuan të trafikonin drogë drejt Greqisë, shkon në 4 numri i të arrestuarve

Nga A2 CNN
10 Mars 2024, 14:48 | Kronikë

Tentuan të trafikonin drogë drejt Greqisë, shkon në 4 numri

Ka shkuar në katër numri i të arrestuarve në kuadër të operacionit “Again”, i finalizuar dy ditë më parë. Në pranga ka rënë edhe shtetasi Endri Pani, i përfshirë në tentativën për trafikim drejt Greqisë, të 51 kilogram lëndë të dyshuara narkotike kanabis.

Njoftimi i policisë:

DVP Korçë/Vijon operacioni antidrogë i koduar “Again”, i finalizuar dy ditë më parë. Vihet në pranga 1 tjetër shtetas, i përfshirë në tentativën për trafikim drejt Greqisë, të 51 kg lëndë e dyshuar narkotike cannabis sativa. Shkon në 4 numri i të ndaluarve, në kuadër të këtij operacioni.

Në vijim të punës për dokumentimin e plotë me prova ligjore dhe vënien para përgjegjësisë penale të personave të implikuar në veprimtarinë kriminale të trafikimit të lëndëve narkotike, në kuadër të operacionit “Again” të zhvilluar më datë 08.03.2024, nga specialistët e Seksionit për Hetimin e Narkotikëve të DVP Korçë, u ndalua shtetasi në kërkim: Endri Pani, 43 vjeç, banues në Korçë.

Nga veprimet intensive hetimore të kryera për zbardhjen e kësaj ngjarjeje, rezulton se ky shtetas, është bashkëpunëtor me shtetasin J. S., i cili u ndalua në Pikën Kufitare të Kapshticës, në tentativë për të trafikuar me automjetin e tij, drejt Greqisë, 51 kg lëndë e dyshuar narkotike cannabis sativa.

Nga ana e Policisë po vijon puna për vënien para përgjegjësisë ligjore të personave të tjerë të implikuar në këtë veprimtari kriminale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

A2 CNN Livestream

Ditari nga Denisa Pasholli