Frederik Stamati, restauratori i rreth 20.000 objekteve historike dhe arkeologjike, na shoqëroi në një vizitë në Muzeun Historik Kombëtar.
Mes shumë punimeve ai veçoi disa prej tyre. Pamë nga afër epitafin e Gllavenicës, të vitit 1373 për të cilin thotë se ka ende punë.
Nga 20.000 objektet e restauruara, rreth 14 mijë janë monedha... si thesari i Kuçovës është njëri prej tyre, të cilin e zbuloi një arsimtar në oborrin e shtëpisë së tij.
U ndalëm edhe në sektorin e luftës antifashiste nacional çlirimtare. Bluza e Margarita Tutulanit dhe ajo e Qemal Stafës, ruhen ashtu siç ishin kur u gjetën të vrarë. Të grisura dhe me njolla gjaku.
Në duart e Stamatit kanë kaluar edhe pajisjet kirurgjikale të spitalit të partiznëve. Duken sit ë reja. Frederik Stamati tregon se objekte me vlerë ka gjetur edhe në tregun e të përdorurave, si këto lugë, 144 vjet të vjetra.
Për restaurimin e një vepre, veç ndërhyrjes fizike, me shumë rëndësi është edhe ajo që përdor shkencat ekzakte.
Sekreti për të qenë një restaurator i mirë, thotë Frederik Stamati, është durimi. (A2 Televizion)
A2 CNN Livestream
MUND TE LEXONI GJITHASHTU
