Sondazh: Çfarë ju pengon për t'u ushqyer shëndetshëm?
  • Çmimet e larta 73%
  • Mungesa e kohës 18%
  • Mungesë motivimi 9%
  • Lodhja fizike 0%

Vdes në moshën 50-vjeçare dramaturgu shkodran Albri Brahusha

Nga A2 CNN
6 Shkurt 2024, 09:01 | Kulturë

Vdes në moshën 50-vjeçare dramaturgu shkodran Albri Brahusha

Dramaturgu shkodran, Albri Brahusha, ka vdekur në moshën 50-vjeçare. Lajmin e konfirmoi Bashkia Shkodër, përmes një postimi në rrjetet sociale.

“Kryetari i bashkisë Shkodër, Benet Beci, në emrin e tij personal dhe institucionit të bashkisë, i shpreh ngushëllimet më të sinqerta familjes Brahusha dhe komunitetit të artistëve për këtë ndarje para kohe”, thuhet në njoftimin e Bashkisë.

Brahusha lindi në Shkodër në vitin 1973. Në vitin 1996, kreu studimet e larta për drejtësi në universitetin e Shkodrës “Luigj Gurakuqi”. Ai ka qenë jurist pranë Institucionit të Prefektit në vitin 1997-1999, shef i zyrës juridike të Prefekturës në vitin 2000, Drejtor i Drejtorisë së Koordinimit të Politikave Rinore, pranë Ministrisë së Kulturës nga viti 2000-2003.

Në vitin 2014-2015 emërohet përgjegjës i zyrës së programeve të zhvillimit pranë Drejtorisë Arsimore Shkodër.

Në fushën artistike ai është autor i  librave, ndërkohë që është autor i veprave teatrale të vëna në skenën e Teatrit “Migjeni” : “Përrallat gënjejnë”, me regji të Serafin Fankos, “Vizita e fundit”, “Ishulli i Shitenit”, “Drejt perëndimit”,” Përtej kufijve të pushtetit”, “Eldorado”. Ai u vlerësua me shumë çmime kombëtare dhe ndërkombëtare.

A2 CNN Livestream

Ditari nga Erion Dushi