Kryetarja e Komisionit të Edukimit, Ina Zhupa, ka kërkuar që të mbahet seanca dëgjimore me Ministrin e Brendshëm dhe me Ministren e Arsimit për Çështjen e Sigurisë në Shkolla, pas dëgjesave që janë kryer me prindërit dhe paketa e masave që qeveria do ndërmerrte.
Sipas A2 CNN, Zhupa u shpreh se “për këtë Komision ka shumë rëndësi siguria në shkolla dhe është prioritet jeta dhe shëndeti i fëmijëve. Ndaj ministrat kanë për detyrë të lënë fushatat elektorale ku janë drejtues politik edhe të vijnë të përgjigjen siç e kërkon rregullorja e Kuvendit”.
Pas një debati për kohën që po përdorej si pretekst nga socialistët, kryetarja Zhupa u shpreh se janë të gatshëm t’i presin ministrat në datën që ata e kanë mundësinë nga sot deri në fund të shkurtit, shkruan A2 CNN.
Por kjo situatë solli pakënaqësi te socialistët, të cilët u larguan nga Salla e Komisionit, pa marrë një vendim për këtë çështje. (A2 Televizion)
A2 CNN Livestream
MUND TE LEXONI GJITHASHTU
