Sondazh: Sipas jush, brezi më i lumtur është:
  • X (1960-1980) 33%
  • Millenials (1981-1996) 56%
  • Z (1997-2011) 11%
  • Alpha (2012-2025) 0%

“Ditën zihen, natën puthen”, Alibeaj për paktin PS-Rithemelimi: Sakrifikuan “Zgjedhoren” dhe votën e diasporës

Nga Sidorela Bakollari
19 Mars 2024, 21:32 | Politikë

“Ditën zihen, natën puthen”, Alibeaj për paktin

Pesë muajt e atij që u quajt “aksioni opozitar” në Parlament, Enkelejd Alibeaj i ka cilësuar si akte të një beteje të rreme që prodhoi sakrifikimin e Reformës Zgjedhore, listave të hapura dhe votës së diasporës.

I ftuar në “Debat” nga Alba Alishani, Sekretari i Përgjithshëm i Partisë Demokratike, u shpreh i bindur se “pakti i fshehtë”, siç e cilësoi ai, mes “Rithemelimit” dhe shumicës socialiste ka qenë i dakordësuar që në krye të herës.

“Një betejë e tillë nuk mund të jetë veçse e rreme. Kjo duket nga faktet publike...Një betejë do të ishte e suksesshme nëse do të kishe arritur diçka në interes të publikut.”

Sipas Alibeajt, pas marrëveshjes mes PS-së dhe grupimit të Rithemelimit qëndron synimi për të ruajtur ndryshimet kushtetuese të vitit 2008, por edhe dëshira për të penguar punën e Reformës në Drejtësi.

“Sot, ajo që kërkohet nga publiku shqiptar, është lënia pas e të shkuarës 33-vjeçare. Po ndodh një ringjallje e kësaj simptome të vjetër. Bajlozët e vjetër të politikës, bëjnë sikur zihen. Në realitet, shahen ditën dhe puthen natën.”

Teksa akuzoi kolegët demokratë se me këtë marrëveshje, po i dhurojnë kryeministrit Edi Rama mandatin e katërt, Alibeaj theksoi se nga PS deri më tani, pala e tij, nuk “ka marrë asnjëherë ndonjë ofertë për pazare,” nga shumica socialiste. 

Po a ekziston mundësia që deputetët e mbetur në grupimin e Bashës të bashkohen me Rithemelimin?

“Po të shkojmë te Berisha, bëhemi pis,” deklaroi Alibeaj, i cili shtoi se demokratët mund të bashkohen, por vetëm rreth vlerave të përbashkëta.

Dhe, mesa duket, grupi i Bashës nuk do të jetë pjesë e komisioneve hetimore që do të krijohen pas marrëveshjes, PS-Rithemelimi.

A2 CNN Livestream

Debat - nga Alba Alishani