“Financime nga Putin-Prigozhin”, Basha, letër BBC: Është lajm i rremë

Nga A2 CNN
2 Nëntor 2023, 15:23 | Politikë

“Financime nga Putin-Prigozhin”, Basha, letër BBC:

Pas publikimit të investigimit të BBC që kompania, e cila i ka financuar fotografinë Lulzim Bashës me Presidentin Donald Trump është e lidhur me Vladimir Putin dhe Prigozhin, ka ardhur edhe reagimi i PD-së me anë të një statusi në Facebook.

Zëdhënësja e Bashës bën me dije se i është drejtuar me letër zyrtare BBC për të sqaruar se çështja e parave ruse të lidhura me PD është verifikuar si I pavërtetë nga gjykatat në Shqipëri. Gjithashtu në shkresë shkruhet se Basha dhe PD nuk kanë marrë asnjë fond nga Rusia.

PD thotë se këto pretendime janë ngritur për shkak të lidhjes së kryeministrit Rama me ish-agjentin e FBI-së Charles Mcgonigal.

Investigimi nga BBC

Kompania që financoi fotografinë e Lulzim Bashës me Donald Trumpin president në 2017-ën, ka lidhje me një firmë offshore, rrënjët e së cilës shkojnë deri tek Vladimir Putin dhe Yevgeny Prigozhin. Këtë e raporton media prestigjioze britanike, BBC, që ka kryer një investigim të gjatë se si Alpha Consulting me bazë në Seychelles ka krijuar disa kompani që përdoren nga rrethi i ngushtë i presidentit rus dhe ish liderit të Wagner. Mes tyre është edhe firma skoceze Biniatta Trade LP e kontraktuar nga zoti Basha, që rezulton me drejtues rus.

Media prestigjioze britanike, BBC, përmes një investigimi të gjatë, ka zbërthyer me detaje mënyrën se si një firmë offshore, po ndihmon në krijimin e disa kompanive që përdoren nga rrethi i ngushtë i presidentit rus, Vladimir Putin, dhe nga ish lideri i Wagner, Yevgeny Prigozhin.

Në materialin e publikuar, përmendet dhe Lulzim Basha, si një nga përfituesit e ndihmës financiare nga kompani me origjinë ruse. Gjithçka lidhet me Alpha Consulting me bazë në Seychelles dhe BBC ka zbuluar dokumente sekrete duke analizuar informacionet e dala nga investigimi për skandalin “Pandora Papers”.

Rasti që përfshin zotin Basha ka të bëjë me kompaninë Biniatta Trade LP, e cila në mars të 2017-ës pagoi një lobist amerikan në emër të kreut të atëhershëm të Partisë Demokratike të Shqipërisë për të mundësuar takimin dhe fotografinë e Bashës me presidentin e atëhershëm Donald Trump. BBC përmend raportimet e shërbimit sekret amerikan, që besonte se fushata zgjedhore e zotit Basha të ishte mbështetur fshehurazi nga Rusia me 500 mijë dollarë.

Pronësia e Biniatta-s ishte fshehur përmes sekretit të kompanisë offshore dhe drejtorëve të rremë, por dokumentet e zbuluara të Alpha-s përfshijnë një marrëveshje nga viti 2015, kur u krijua partneriteti, i cili emëronte pronarin përfitues si një shtetas rus i quajtur Maxim Trofimets.

INVESTIGIM I BBC

Pronarja e Alpha-s, Victoria Valkovskaya, pas raportimeve në media në 2018, kishte udhëzuar Biniattën për mënyrën se si mund të fshihte pronësinë e saj duke përdorur një fondacion në Seychelles.

Në shtator të këtij viti, Këshilli i Europës caktoi zotin Basha për të përgatitur një raport për mbështetjen e rindërtimit të Ukrainës pas pushtimit rus. Ai tha se nuk kishte konflikt interesi. BBC u përpoq të kontaktonte z. Trofimets dhe z. Basha, por ata nuk u përgjigjën.

INVESTIGIM I BBC

Zonja Valkovskaya, drejtoresha e përgjithshme e Alpha-s, tha se ajo "kategorikisht" mohoi që kompania e saj të ishte e përfshirë në ndonjë aktivitet të paligjshëm.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli