Socialistët gjetën një surprizë të pakëndshme kur u futën në sallën e seancave plenare. Qëndresa opozitare për të mos lejuar zhvillimin e seancave normale sa kohë shumica nuk miraton kërkesat e saj, bëri që salla e debateve parlamentare të bllokohej nga barrikada e karrigeve, akt i cili hera-herës shkaktoi edhe përplasje fizike në sallë.
Këto ngjarje ndodhën kur zyrtarisht seanca plenare nuk kishte nisur ende. “Ky është një turp!”, tha Nikolla.
Jashtë sallës, socialisti Erion Braçe nuk i kurseu epitetet për kolegët opozitarë. Në mungesë të karrigeve socialistët gjetën zgjidhjen provizore për të qëndruar në këmbë, ndërsa ndezja e flakadanëve çoi në një tjetër përplasje mes gardës dhe demokratit Salianji.
Kjo situatë nuk e pengoi maxhorancën që të miratonte një nga një të gjitha pikat që ishin në rendin e ditës me një mesatare 1 minutë për projektligj.
Aksionin Sali Berisha e quajti grevë të përkohshme, pjesë e një mosbindjeje civile që tha se do të vazhdojë.
Me mbylljen e punimeve të seancës plenare, deputetët u larguan nga salla dhe brenda saj u futën punonjësit e policisë së shtetit, ku pas Kryesisë së Kuvendit edhe aula parlamentare konsiderohet si vendngjarje për shkak të aksionit të opozitës.
(A2 Televizion)
A2 CNN Livestream
MUND TE LEXONI GJITHASHTU
