“Nuk ka deklaruar apartamentin”, Malltezi: Altin Dumani, i kapur prej dosjes së tij

Nga A2 CNN
20 Maj 2024, 21:21 | Politikë

“Nuk ka deklaruar apartamentin”, Malltezi: Altin Dumani, i kapur

Argita Malltezi tha se reforma në drejtësi nuk ka shuar korrupsionin në këtë sistem. Sipas saj, në krye të institucioneve janë vendosur njerëz që janë “kapur prej dosjeve” që kanë.

Në këtë listë, Argita Malltezi përfshiu edhe kreun e SPAK, Altin Dumani.

E ftuar në A2 CNN, në emisionin Debat me Alba Alishani, Malltezi tha se Dumani nuk ka deklaruar një apartament, ndërkohë që kolegë të tij janë larguar për shumë më pak nga sistemi i drejtësisë.

“Në drejtësi u vunë njerëz që u kapën nëpërmjet dosjes së tyre, e tillë është zonja Gjoka, apo Dumani. Dumani, standardet e dyfishta janë ujku, mund të kërkosh gjurmën, por kur ke ujkun, ndiq ujkun, jo gjurmët. Dumani nuk ka dalë kurrë të përgënjeshtrojë faktin që ka marrë një apartament nga Kisha, gjë për të cilët të tjerët për shumë më pak kanë ikur nga sistemi i drejtësisë”, tha Malltezi.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi