Sondazh: Nëse i afërmi juaj e ka ditëlindjen në 29 shkurt, kur e uroni?
  • 28 shkurt 27%
  • 1 mars 45%
  • Nuk e uroj 27%

A ka vend për panik? Specialisti i ISHP: Shkon në 17 numri i të prekurve me fruth! 2 vatra në vend

Nga A2 CNN
26 Janar 2024, 13:34 | Sociale

Ka shkuar në 17 numri i të prekurve me fruth në vendin tonë. Lajmi është bërë me dije nga specialisti i ISHP-së Artan Simaku. I ftuar në Ditarin e Mesditës me Denisa Pashollin, Simaku tha se janë 17 raste, të regjistruara në 2 vatra, në Tiranë dhe në Durrës.

“17  raste, nuk ka vend për panik, janë 2 vatra me një numër të vogël rastesh, i rëndësishëm është vaksinimi në kohë i fëmijëve, kjo ka ardhur vetëm për shkak të hezitimit të prindërve që shtyjnë kohën e vaksinimit ose që e refuzojnë atë”, tha Simaku.

Ai tha se shkak ka ardhur për shkak të hezitimit të prindërve për t’u vaksinuar. Në studion e A2 CNN, specialisti i ISHP-së listoi edhe arsyet se përse prindërit po refuzojnë apo po e shtyjnë për një moment të dytë vaksinën e fruthit.

 “Nuk janë të vërteta, komuniteti shkencor i ka hedhur poshtë këto teori. OBSH-ja ka thënë që janë teori të vjetërsuara që prej 20 vitesh janë hedhur poshtë dhe ka evidenca shkencore që e kundërshtojnë këtë konspiracion”, tha Simaku.

Për këtë arsye, ai ka një mesazh për prindërit.

“Vaksinimi e vetmja mënyrë që të parandalojë fruthin”, përfundoi ai.

A2 CNN Livestream

Ditari nga Denisa Pasholli