
Qytetarët që duan të bëjnë rivlerësimin e pasurisë së tyre për të paguar më pak taksë në momentin e shitjes kanë mundësi ta bëjnë këtë deri në fund të vitit 2020.
Agjentët e pasurive të paluajtshme shpjegojnë se rivlerësimi me kushte lehtësuese është një ndihmë veçanërisht për ata që duan të shesin pronat e tyre në periudhë afatshkurtër dhe afatmesme.
“Atyre që duan të shesin një pronë, rivlerësimi i kursen diku te 12%”, shprehet Luan Aliu.
Sipas të dhënave të Ministrisë së Financave, deri më tani janë kryer në total 19 906 aplikime. Qeveria ka parashkuar që përmes kësaj nisme të arkëtojë rreth 4 miliardë lekë në buxhetin e shtetit. (A2 Televizion)