SpaceX dërgon në hapësirë satelitë GPS për ushtrinë amerikane

Nga A2 CNN
19 Janar 2023, 11:01 | Teknologji
SpaceX dërgon në hapësirë satelitë GPS për

SpaceX ka dërguar në hapësirë një satelit të ri GPS për ushtrinë amerikane.

Dërgimi i satelitit vjen në vazhdën e përpjekje për të forcuar plejadën e pozicionimit global dhe satelitëve të navigimit që mbështesin aplikacionet e smartfonëve dhe operacionet e kohës së luftës.

https://twitter.com/SpaceX/status/1615709240177614848?s=20&t=aAEoQhcH7f-7W72uRsc0Og

Sateliti GPS u lëshua nga raketa Falcon 9 në orën 07:24 të mëngjesit me orën lokale nga Stacioni Hapësinor Cape Canaveral në Florida.

SpaceX konfirmoi lëshimin e satelitit me një video të ndarë në llogarinë e tyre në Twitter.

Në këtë mision u transportua anija e gjashtë kozmike në një gjeneratë të re satelitësh GPS, të quajtur GPS III, në një orbitë rreth 20.200 km mbi sipërfaqen e Tokës. Në këtë orbitë, aktualisht operojnë më shumë se 30 satelitë GPS.

Ata rrotullohen rreth planetit një herë në çdo 12 orë dhe transmetojnë vazhdimisht sinjale radio për të përcaktuar vendndodhjen e saktë të objekteve në tokë.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli